ایمان مشتریسی
شهریارآمان اللاه یینه شیطان گلیب ایمان آپارا
قورویون قویمایون ایمانوزی شیطان آپارا
منیم اینسانلیغمین گؤرنه حصاری یاوادیر
کی گونوز غول بیابان گلیر اینسان آپارا
خرمنی ساققیزا ویردیک نه یامان چرچی دی بو
هی گلیر کنده بیزه درد ویره درمان آپارا
چورگ آلمیش الینه آج نیجه طاقت گتیسین
ایله بیریازگیجه سی قیزگلیباوغلان آپارا
قانلی دیرناخلارینانانگلیس ال قاتدی بیزه
باخیسانروسدا آرازدان کیچیر ایران آپارا
آرادان بیرده بیزی بؤلسه لر اربابلاریمیز
قورخورام قویمیالار تبریزی تهران آپارا
قارا طوفان کی داخی خلقیله شوخلوق ایله مز
سیل گرک ایل داغیداایو ییخاایوان آپارا
بو قارانلیق گیجه لرده قاپوموز پیس دویولور
نه بیلیم بلکه اجل دیردایانیب جان آپارا
آناما سویله یین اوغلون ییخیلیب سنگرده
تیللرین باس یاراما قویما منی قان آپارا
سلقه لی اغرو تاپیلمیشسا بو باشسیز ییرده
شهریاردان دا گرک بیر دولی دیوان آپارا