شمارهٔ ۱۱
امیر پازواریامیر گنه که حلقه ی داله ته زلف
یا حلقه ی سیم زرنگاره ته زلف
خشبو یه مگر مشک تتاره ته زلف
مه ور موسم لیل و نهاره ته زلف
دراز کمن سام سواره ته زلف
زنجیر عدالت به قراره ته زلف
پله دچییه به سون ماره ته زلف
هرمی که خراج قندهاره ته زلف
سیاهی مونند شوی تاره ته زلف
نظر کرده ی شاه جباره ته زلف
شیرینی یکی مگر قند خرواره ته زلف
گر غمگین بوم مه غمگساره ته زلف
هرمی قیمت قارون ماله ته زلف
نظر کرده ی شاه جباره ته زلف
ونه بخرینم گرونبهایه ته زلف
عاشق مردمون ره غم فزایه ته زلف