دفتر شعر
۲۵ شعر در این دفتر
شیرْرِهْ دیمِهْ آتِشْ وَشِنْ گُو شِکٰارْ کِرْدْزِلْفْرِهْ دیمِهْ بِهْ آتِشِ دیمْ گِذٰارْ کِرْدْ
اَمیرْ گِنِهْ:ای نٰامُسَلْمُونِ کٰافِرْرَحْمی بَکِنْ وُ دَرْدمِهْ دَرْمُونْ بِیٰاوَرْ
دُوسْتْرِهْ دیمِهْ کِهْ دیرُو کَمُونْ دٰاشْتوُ تیرْبِرٰازِّنی شه زِلْف وُ گِلْ هٰا کِرْدِهْ شیرْ
قَدْ سُورِهْ، دِهُونْ میمِهْ، کِلٰالِهْ تِهْ بُورْدیمْ خُورِهْ، لَبُونْ لَعْلِهْ، تَنْ سُونِ کٰافُورْ
مِرِهْ وِنِهْ ته کیچهْ دِکُونْ بسازم،دریمِ سِرِهْ کوشکْ و ایوونْ بسازم،
امیر گنه: حوری رَوِش، ماهِ تایونْبَتُونّی نِهِلْ عِشْقْ بَورِهْبه پایُونْ
امیر گنه: مِهْ تاج سَرْ! مه دِلُ و تَنْ!من نتومّه ته عشق ره شه دل هَیتن
ته بندومه تا مه استخون (هسّکا) بَپیسْتِنمنه جان! تویی، بیجان نتومّه زیستن
چی وا (چی بو) بَمِردْ بومْ ته عشقِ وَرْمنای هوبَتُومِّه دییِنْ شِه مَرگ، نَتُومِّهْ بی تو
امیر گنه: مه کار چه منصور و دار بوبسوته تن و بَلمْ هوا دیار بو
یاربْ که تنه کار به دنی نظامْ بو!سریرِ سَلَیْمُونی تنه مَقامْ بو!
امیر گنه: تو غَمْ نَخرْ روزگارهمردی هسّه از کرمْ کمی نداره
ویهار درآمو، چیق به چمن وشت آرهدیم «دربکته» سرخه گل، نوویهاره
هَرْ کجهْ که منْ شومّهْ، وَنوشه جارهگردِ وَنوشهْ، هم بلبلْ زینهاره
امیر گنه: عاشقمهْ منْ شه آقارهاُشْتُر به قطارْ، ببخشیهْ گداره
پلنگِ دَمانْ، شیرِ نَرْ ته وَرْ مادهته دوست سوار بوئه، ته دشمنْ پیاده
استادِ ازلْ پلّه دچیهْ مُورهمشّاطه زُلیخٰا به ته هر دْ روره
امیر گنه: مه یار به منه کش دورهکی بو که خشْ هادهام من ته دْ روره
اُوندمْ که تنه دَمْ ره دَم حورانداتهحلِّ مُشکلاتْ ره هَموندَمْ بساته
دْ دَسْت که یکی زلفْ بَرْسه کساتهبَدْ مزوئه اُونْ زلفْ اگر وی نواته
امیر گنه: عاشقمهْ کَجینه دارهمن عاشقِ اونْ یارْ مهْ کَجی ندارهْ
امیر گنه: مه وَرْ کِیَهْ روز و شوبی؟اَندی وَرْنه دلْ ره که طاقتْ نَوُویی
کَمن هَکردی زلف ره «صحرایی» گیتیغًضبْ هکردی، خین ره مه پاک بریتی
امیر گنه: مه مَستهْ چشْ، شُوخهْ نینیتنهْ ندیینْ سُو نَمُو نسُته نینی