دفتر شعر
۳۳ شعر در این دفتر
مِشْکْ بئیتِهْ دوُسْتِ گِلِهْ باغْ رِهْ هُوکِتْیٰا زَنْگی وٰا بِیٰارْدِهْ، گِلْچینْ هُوکِتْ
وَنوشِهْ خُو شِهْ سَرْ هُونیا کَهُوتاجْبَوِرْدِهْ مِهْ جهْ، هَرْ چی دٰاشْتِمهْ بِهْ تٰاراجْ
یِکی نَظِرْ، مِهْ کَیْوٰانْ بَوِرْدی تٰارٰاجْتِهْ دُومْ دَرِمِهْ، مِهْ کٰارْ سٰاجِنّی بِسٰاجْ!
گُوهِرْ گِلِهْ دیمْ، دُوسْتِ گِلُوئِهْ مِزٰاجْوٰاکِنْ صَدِفْرِهْ تٰا به دَرْآیِهْ مَرْوٰاجْ
دُوسْتِ قَدْ نَشِنِهْ گِتِنْ سُورِهْ یٰا کٰاجْبَشِنِهْ گِتِنْ کٰانِ بِلُورِهْ یٰا عٰاجْ
دَرْ آمُوویهٰارْ، وَلْگْ بَکِرْدْ گیتی سٰاجْبَوِرْدْ زِمِسْتُونْ، هَرْ چی دٰاشْتِمِهْ تٰارٰاجْ
کٰافِرْ وَچِهْ، پَیْکُونِ غَمْزِهْ بِروُ کِرْدْمِنِهْ کِشْتِنِ وَرْ، دِچِشْمُونْ سییُو کِرْدْ
اَمیرْ گِنِهْای مَسِّهْ چِشْ مٰاهِ خٰاوَرْبی کِفْ نَووُئی، بَنْدِهْ کَتْ بُوئِمْ تِهْ وَرْ
تُویی تِذَرْوْوُ کُوکوُ شَهْبٰازوُ کُوتِرْزِبَرْجَدوُ اَلْمٰاسوُ فیروزِهوُ زَرْ
تِهْ مِهْرْوَرْزی دٰارْمِهْ، اَرْچِهْ بُوتِرِهْ عٰارْهَرْگِزْ گِلْ نچی کَسْ کِهْ بِهْ وی نَوی خٰارْ
امیر گِنِهْ: که حلقهیِ دالِهْ ته زِلْفْیا حلقهیِ سیمِ زرنگاره ته زِلْفْ
لَیلی وَشْ به ته یٰاسه گیتمْ یکی مالْمنْ اوُنْ کَشّمه روزْ، که مَجنونْ کَشی سالْ
منْ صیدِ تنه دامِ پیچونْ بَووئمْاسیرِ گیسویِ پَریشونْ بَووئمْ
چنْ روزه ندیمه، دِل هُورستٰابی، غَمْوِنِهْ بَوینِمْ، غَمْ به دِلْ مه بَوِّهْ کَمْ
بِلْ شه دَمْرِهْ مه دَمْ، بدنْ دارمه بی دَمْعیسیٰ دَمِهْ ته دَمْ، مَرْ بَکِشْ به شه دَمْ
ته چیرهْ بَدی خور به جهانْ آموئنْخور و مُونگْ به ته دُومْ دَکتْ، گُوم بَوُوئنْ
صَنعونْ صفتْ ترسا وَچه رهْ بَدیینْخَمْر بَخردن وُ مَصْحَفْ بَسوجنّیینْ
سَلوُمْ منه مَسّه چش وُ دیدهیِ سو!منْ کیْمه به ظاهرْ که سَلوُمْ کَنی تو
چی دولتهْ کهْ خنه دَریم بیامویا اُونْ ماههْ که شُو به دنیم بیامو
یارون پرچ بوینین به انجیله دارهیا سرخه گِلِ غنچوئه نو ویهاره
طوبیٰ قَدّهْ مه دوست و عقیقهْ لوئهسو آلْ خورهْ، دیمْ مُونگِ چهارْدَهْ شوئه
زلفِ هندُو، آتشْپرستْ یا زنّاره؟یا طرّهیِ مشکینْ به گردِ عذارهْ؟
اوّل گمّه و آخر ذاتِ خدارهکریمْ و رحیمْ، قادرِ بیهمتا ره
امیر گنه: طرّارْ طُرّهیِ خم چیه؟اُونْ گنج و دیگرْ مارِ اژدَرْ دمْ چیه؟