دفتر شعر
۲۱۱ شعر در این دفتر
وَالشَّمْسُ تِنِهْ چیروُئِهْ وَ ضُحیٰهٰایٰا قُرْصِ قَمِرْ مُونِنْ اِذٰا تَلیٰهٰا
چِه مُونْگ، چِهْ خُور تیجِهْ، چِهْ روشِنْ روُجاچِهْ حورُ، چِهْ پَریْ، چِهْ آدِمی، چه آدِمیزٰا
دَرْآمُو ویهار و خُورْ بَئیتِهْ بٰالامِهْ دُوسْتِهْ کِهْ نُوجُوُمِهْ دَکِرْدِهْ وٰالا
امیرْ گِنِه تا چَندْ مِجِمْ وٰایی تِهْ وٰا؟اونی وَرْمِجِمهْ کِهْ نِدایی مِهْ وٰا
اَمیرْ گِنِه: منه دوستْ خُوشْ حٰالِهْ یٰانا؟هَمونْ اَوِّلِ حُسْن وُ جِمٰالِهْ یٰانٰا
اَمیرْ گِنِهْ: دُوسْتْ وَرْ، بِهْ چِشْ هٰا کِنِمْ جٰاخٰارِ مُژِهْ تَرْسمِهْ دَرْدْ آوَرِهْ پٰا
اَمیرْ گِنِهْ کِهْ یٰارَبْ خَزونْ مَریزٰاپَری وَچِهْ رِهْ بَنْدْ بَکِرْدْ آدِمیزٰا
بِهْ سِرْخِهْ گِلِ سَرْ بِهِشْتی سُوسَنْ پٰااَفْلهْ کِنِّهْ گَرْ بَمجی یِکی سٰا
ای شه بخت سرهشندییه دیبا راتن مرْ آزارنه، (مه) ویله بوره تا بالا
ویلِهْ وَرْتِنِهْ خِنِهْ بیایمْ یٰانٰا؟اینْ مَشْوِرِتِهْ دِتٰا خِشْ هٰادِمْ یٰانٰا
اَمیرْ گِنِهْ مِهْ دَسْتِهْ گِلِ سُورْ آسٰایٰارَبْ کِهْ تِنِهْ عِشْقْ بِهْ کَسی نِمٰاسٰا
هَرْگَهْ کِهْ مِنِهْ دُوسْتِ دِچِشْشُونِهْ خٰوابْنَمُونِّهْ بِهْ مِنْ طٰاقِت وُ شوُنِهْ مِهْ تٰابْ
خِدا دُونِهْ تِهْ نَدیینْ (نویینْ) بَیْمِهْ بیتٰابْدِ دیدِهْ مِنِهْ روُ بَکِشییهْ سیلابْ
چَمِنْ بِهْ چَمِنْ، گِلْ بِهْ گِلْ، خٰالْ بِهْ خٰالْ کِتْقَمِرْ بِهْ قَمِرْ، رُخْ بِهْ رُخْ، آلْ بِهْ آلْ کِتْ
مَشْکینْ کَمِنْ، سیمینْ ذَقِنْ، لَعْلُ و یٰاقُوتْتُویی قُوِّتِ جٰانِ مِنْ وُ دِلِ قُوتْ
دُوست دارِمهْ یِکی کِهْ هَمِهْ چی آرایستْآرٰایِسْتْ بِهْ خوبی اُنْتِری کِهْ وٰایِسْتْ
تِهْ جَیْدُوتِهْ صَدْرِهْ ویٰنِهْ هٰاکِنِمْ گَشْتْتِهْ عَیْن وُ شَفِهْ زَنِّهْ مِرِهْ هزٰارْ خِشْتْ
مَرْدِمْ بِهْ تِهْ جٰا سِخِنْ گِنِنْ هِزٰارْ رَجْگوُئِنْ فِلوُنی شُونِهْ فِلوُنی رَجْ
اَشُونْ (دیشوُ) بَشِّنی یٰا سِهْ بِهْ اینْ دِلِ سُوجْبَرْمِسْتْمِهْ نِهْ چٰارْ دٰاشْتِمِهْ، نِهْ چٰارِهْ آمُوجْ
تِهْ عِشقْ پِرْکَسِ دِلْ رِهْ بِساتِه آمٰاجْتِهْ عِشقْ پِرْکِسِ خُونِهْ (خِنِهْ) بِساتِهْ تٰاراجْ
شَکِرْ خَنْدِهْ شِهْ لَعْلِ (لُویِ) عقیقِ جِدٰا کِرْدْوٰاکِرْدِهْ دَرِ گَنْجوُ دُوشِ قِبٰا (قَوٰا) کِرْدْ
چینْ چینْ چییِهْ بِهْ گُوشِ بِنْ پیچ وُ تُو کِرْدْ؟یٰا بیجِنِ دِل (بییِهْ) کِهْ بَخْتِ مِنْ سییُو کِرْدْ؟
بِهْ عٰاشِقْ کُشی دُوسْتْ چِشْمُونْرِهْ سییُو کِرْدْبَریتِهْ اَنْدی خینْ کِهْ دَشْتْرِهْ دِرْیُو کِرْدْ
گِلِ دَسْتِهْ، حَمُّومْ سَرِ زِلْفْرِهْ وٰا کِرْدْسُنْبُلْ دَسْتِهْ دَسْتِهْ، چپ وُ رٰاسْتْ رِهٰا کِرْدْ