دفتر شعر
۲۱۱ شعر در این دفتر
دَرْآمُو بِهْ حَمُّومْ، خِدْرِهْ بٰا صَفٰا کِرْدْآیینه بِهْ دَسْتْ، سَیْرِ صُنْعِ خِدٰا کِرْدْ
عَلَیْکِ سَلُومْ اُونْکِهْ دِلْ بُوبِهْ تِهْ دَرْدْچِنُونْ خُو بَکِرْدْ بُو، کِهْ نَوُوهِچّی سَرْدْ
سِهْ چِی بِهْ دَنی کِهْ دِلْ دَرْ آوَرِهْ دَرْدْاَوِّلْ عِشْقِهْ کِهْ گُونِهْرِهْ هٰا کِنِهْ زَرْدْ
اَمیرْ گِنِهْ میرْمِهْ شُو وُ روزْ همین دَرْدْفَلِکْ بَدْ مِجٰالْ بٰا مِنْ بِوٰاخْتِهْ اینْ نَرْدْ
بِسٰاتِنِهْ تِهْ رُورِهْ بِسُونِ کٰاغِذْبَنْویشْتِنِهْ صَدْ دٰالْرِهْ دَروُنِ کٰاغِذْ
اَمیرْ گِنِهْ: حُوری مَنِشْ شٰاهِ خٰاوَرْاِسٰاسَرْ بِهْ کِنّٰا هَسّوُ، جٰانْ بِهْ تِهْ دَرْ
اَمیرْ گِنِهْ: تُوفیقِ خِدٰایِ دٰاوَرْسَمیع وُ بَصیر وُ هَمِهْ جٰا وی حٰاضِرْ
کِدوُمْ بَندِهْ رُودِگٰارْ دِنی بِهْ این دَرْ؟کِدُومْ بَنْدُوئهْ خٰاکْ رِهْ دَکِرْدِهْ شِهْ سَرْ؟
تٰا ایزِدْ بِسٰاتِهْ مٰازِرُونْ رِهْ نُووِرْ،هَمُونْ دَمْ تِنِهْ دُولِتْرِهْ هٰاوَرْدْ هٰاوَرْ
اَمیرْ گِنِهْ: مِهْ مُونْگْوُ خُورِ بِرٰابِرْ!سی سٰالْ تَنْ بِهْ خٰاکْ پیسّهْ، جِدٰا بَوِّهْ سَرْ
دُوسْ بَدی مِرِهْ، دیمهٰاکِرْدی بِهْ دیوٰارْتَرْسی کِهْ تِنی چیرِهْ بَوینمٰا خٰارْ؟
نَدوُنْمِهْ کی جٰادوُهٰا کِرْدِهْ بِهْ طُومٰارْنَدوُنْمِهْ کِهْ طَلِسْمْ کی دَوِسْ بُومی کٰارْ
سَودٰائیمِهْ تِهْ وٰا دَکِتْ کیچِهْ بٰازٰارْاَشْکِ سِرْخْ بِهْ مِهْ چِشْ کَلِنِهْ چَچیوٰارْ
شَ اْللّهْ دل بَسُوجی تُو به هیمهیِ نارمِرِهْ غریبی کیچهْ دینْگُویی بٰازارْ
مِنْ بَسُوتُومِهْ، سُوتِهْ دِلْرِهْ نیٰازٰارْسُونَکِنِّهْ مِهْ سُوتِهْ دلی، دِلْآزٰارْ
گِلْ به اینْ خجیری نییِهْ وی اَوی خارْگَنْجْ به خُوش سَرْ دَکْشییِهْ سییُو مٰارْ
اَیْ حُوریوَشْ مِسْتِهْ چَشْ، آهویِ لٰارْ!تِهْ ناوُکِ عِشْقْ هٰا کِرْدِهْ مِهْ دِلْرِهْ کٰارْ
اَوی دُوسْ به گیتی بَسْ نِخارِهْ مِهْکٰارْکَتْمِهْ شووُ روز، دیمْ دکِتْ سُونِ ویمٰارْ
نیشْتِمِهْ سَنْگِ سَرْ، دیمْ هٰاکِرْدْمِهْ بِهْ روُبارْدِلْرِهْ گِتْمِهْ کوئه ته نازنینْ یٰارْ؟
گِلْدَسْتِهْ! ته واسِّرْ سَرْگِردُونْمِهْ، آوارْسونِ دیو وُ دَدْ مِجِمِّهْ دامِنِ غٰارْ
پِیْغومْ که ته جا رِسیمِهْ چُونِه ته کارْ؟مِرِهْ سَرزَنِشْ کِرْدی، نوومه ته یارْ
سییُو چِشْ، سییُو بِرْفِهْ، سییُو مجیکْ مَسْسیف وُ گِلْ وُ وارِنْگْ هِرْ سِهْ تِهْ هَدیوسْ
دُوسْ (رِهْ) دیمه هَرکَسْ (که) خِنِهْ بَوِرْدْ بتٰاوَسْزِلفْ (رِهْ) دیمِهْ پیچونْ به گِردِ عٰاشِقْ هٰاوَسْ
دِ تُرک و دِ جٰادوُ، دِبلابَوی مَسْدِ اَرْدَرْ منی راهِهْ کَمینِهْ مه قَسْ