دفتر شعر
۲۹۵ شعر در این دفتر
هِزاروُ یِشکْ اِسْمْ اوّلْ دنیا بیامُواِسْم بِهْترینْ، رَسوُلَ اللهْ بیامُو
چی بُولارجونْ، مازندرون بئی بوکَرِه سنگه دشت چادرْ اَلْووُن بئی بو
چِلُویی دوسْ مه، هر دم چِلُو دَری توزرِ شیشهره مونّی، گِلُودَری تو
سیُو چِشْ، کَمونْ برفِهْ، مه لارِ آهوامسالِ هوا، دشتِ سَرْچه دَری تو؟
آدم واش نییه، سر درآوره کوآدم گِل نیه، هر نوویهار کِنِهْ بو
سه چیز به دَنی، دِلهاره آوره سُواوّل زر و مال، و نه خروار خروار بو
خجیره کیجا، هیٰا هیٰا شُومّی کوگندم به دِرُو، بینج بَنِشٰا شومّی کو
امیر گنه: دشت پازوار خجیرهگشت پازوار، رو در بهار خجیره
امیر گنه که دشت گیرمه پازوارهبلودس هیئت مرز گیرمه تیمه جاره
دریوی کنار (دله) بدیمه یک ستارهقنبر به جلو، شاه مردون سواره
ندومه که چل بهتره یا چلیجهندومه گوهر بهتره یا خدیجه؟!
اَنِّه دارِ واش هِدامِه شِه گیلا رِهدارِ چِل و چو، بَوِرْدِهْ مِهْ قِوا رِهْ
بلبل میچکا، نرو مره غم دارنهحاجی صالح بیک بیته مره بَنْ دارنه
یارون بوینین پیر زناچه مونه دارنهلِشْ بکرده دیم، گردن گلونه دارنه
امیر کلای او، بوینین چه چایی دارنهامیر دتر، گردن صراحی دارنه
امیر بوته که ماه ره غبار بئیتهفرنگیره شاه زنگبار بئیته
امیر کلا اتا (یتّا) نفته روش بدیمهامیر و گهر ره دوش به دوش بدیمه
بلنده نفارْ نیشتمه ایروونهزنگ چمرْ و سَرْوِنگ ساربونه
خجیره کیجا، من ته ادایِ میرمهته چین چینه زلف، لام الف لای میرمه
امیر گنه: این کُوهْنه دنی ره کُورمهْ؟این کُوهنهْ دنیِّ هر کسی رهْ کُورْمهْ؟
اُونجه که بئوتی هِرسْ، من بپامهْدارُونْ، انّه حچا بزوئه، من بچٰامهْ
دٰارِ بلندْی اسّامه منْ به لُوشهچهرهْ نَویّمهْ، منْ چمرْ دارمهْ گَوشهْ
ونهْ سر جُور بُورمْ، مرْ حال دَنیهْونهْ سرجربیِمْ، مهْ یارْ دَنیهْ
خجیره کیجا وعده نده که امّهوعده تلاونگه، من تلاره پمّهْ